Turkmaniston Prezidentining O'zbekistonga rasmiy tashrifi boshlandi
O'zbekiston Respublikasi Prezidenti Islom Karimov taklifiga binoan Turkmaniston Prezidenti Gurbanguli Berdimuhamedov 24 fevral kuni rasmiy tashrif bilan mamlakatimizga keldi.
Toshkent aeroportida oliy martabali mehmonni O'zbekiston Respublikasi Bosh vaziri SH. Mirziyoyev kutib oldi, deb xabar beradi O'zA.
Tashrif asnosida Islom Karimov va Gurbanguli Berdimuhamedov O'zbekiston-Turkmaniston munosabatlarini yanada rivojlantirishga doir masalalarni, o'zlarini qiziqtirgan mintaqaviy va xalqaro ahamiyatga molik muammolarni muhokama qiladilar.
Muzokaralar yakunida qator sohalarda ikki davlatning hamkorligini yanada kengaytirishga doir hujjatlar imzolanishi rejalashtirilmoqda.